डडेल्धुरा । आइतबार राति डडेल्धुरा जिल्ला सदरमुकाम बागबजारमा भीषण आगलागी भएको छ। जिल्लाको अमरगढी नगरपालिका–५ बागबजारको बगरकोट रोडमा राति साढे १२ बजे आगलागी भएको हो ।
आगलागीवाट नौ वटा पसल जलेको जिल्ला प्रहरी कार्यालय डडेल्धुराले जनाएको छ। करिब दुई घण्टापछि नगरपालिकको दमकल, प्रहरी, नेपाली सेना र स्थानीयको सहयोगमा आगो नियन्त्रमा लिइएको प्रहरीले जनाएको छ।
जिल्ला प्रहरी कार्यालय डडेल्धुराका प्रहरी नायब उपरीक्षक डम्बरबहादुर केसीका अनुसार प्रहरीले आगो लगाएको आशंकामा एक जनालाई पक्राउ गरिएको छ । प्रहरीले पक्राउ परेका व्यक्तिको नाम ठेगाना खुलाइए छैन। उनले आगो लगाएको प्रहरीसँग स्वीकार गरेको प्रहरी नायब उपरीक्षक केसीले बताए।
