काठमाडौं । प्रधानसेनापति पूर्णचन्द्र थापा २७ पुसमा भारत भ्रमणमा जाने भएका छन् । भारतीय सेनाका स्थल सेनाध्यक्ष विपिन रावतको निमन्त्रणामा प्रधानसेनापति थापा भारत जान लागेका हुन् । उनी २ माघमा स्वदेश फर्कने नेपाली सेनाले जनाएको छ ।
सेनाको नेतृत्व सम्हालेपछि प्रधानसेनापति थापाको यो पहिलो औपचारिक भारत भ्रमण हो । थापालाई भारतीय सेनाको मानार्थ महारथीको उपाधिसमेत दिइने बुझिएको छ । भारतीय राष्ट्रपति रामनाथ कोविन्दले २७ पुसमा थापालाई भारतीय सेनाको महारथीको दज्र्यानी प्रदान गर्नेछन् ।
भ्रमणका क्रममा उनले रक्षामन्त्री निर्मला सीतारमणसँग समेत भेट्ने बताइएको छ ।
