काठमाडौँ । सभामुख कृष्णबहादुर महराले सपथ खुवाएको पाँचौ दिनपछि टीकापुर घटनाका मुख्य आरोपी रेशमलाल चौधरीको मुद्दाको सुनवाइ सुरु भएको छ।
सर्वोच्च अदालतका न्यायाधीश ईश्वरप्रसाद खतिवडा र पुरुषोत्तम भण्डारीको इजलासमा मुद्दाको सुनवाइ सुरु गर्ने भएका भएको हो ।
टिकापुर घटनाका मुख्य दोषी हुदाँहुदैँ पनि निर्वाचन आयोजबाट रोकथोक नभएका चौधरी राष्ट्रिय जनता पार्टीकातर्फबाट भूमिगत अवस्थामै निर्वाचन लडेका थिए । कैलाली क्षेत्र नम्बर १ बाट प्रतिनिधि सभामा विजय भएका चौधरीलाई निर्वाचन आयोगले प्रमाणपत्र लिन आह्रवान गरेपनि प्रमाणपत्र लिन नआएका चौधरीलाई राजपाको दवापपछि सरकाले बाध्य भएर शपथ खुवाएको थियो ।
चौधरीविरुद्ध कैलालीको टीकापुरमा २०७२ भदौ ७ मा भएको झडपमा एक बालकसहित ८ जनाको हत्या गरेको आरोप लागेको थियो। उनलाई रिहा गर्न असार ५ गते सर्वोच्चमा रिट निवेदन परेको थियो। तर सर्वाेच्चले उक्त रिट खारेज गरेको थियो ।
सदरखोर डिल्लीबजारको थुनामा रहेका उनको मुद्दा यसअघि स्थगित हुँदै आएको थियो।
