काठमाडौँ । बलात्कारपछि हत्या गरिएकी कञ्चनपुरकी १३ वर्षीया बालिका निर्मला पन्तकी आमा दुर्गादेवीले डीएनए परीक्षणकालागि रगत दिएकी छन्।
हत्यापछि भेटिएकी निर्मलाको शवबाट निकालिएको भनिएको ‘भजाइनल स्वाब’को वैधानिकता जाँच्न गर्न उनकी आमाको डीएनए टेष्ट गरिन लागिएको हो।
यसका लागि आमा दुर्गादेवीले महाकाली अञ्चल अस्पतालमा पुगेर रगतको नमुना दिएकी छन्। कञ्चनपुर प्रहरीका अनुसार रगतको नमुना परीक्षणका लागि प्रहरीको केन्द्रीय विधि विज्ञान प्रयोगशालामा पठाइनेछ।
अब दुर्गादेवीको रगतबाट निकालिने डीएनएसँग निर्मलाको स्वाबको डीएनए प्रोफाइललाई भिडाएर वैधानिकता जाँचिनेछ।
१० साउनमा साथी रोशनी बम कहाँ पढ्न गएकी निर्मलाको शव भोलिपल्ट विहान बलात्कारपछि हत्या गरिएको अवस्थामा उखुबारीमा भेटिएको थियो। घटनामा संलग्न अहिलेसम्म पक्राउ गरेका छैनन्।
थुप्रै शंकास्पद ब्यक्तिहरुको डीएनए टेस्ट गरेपनि नमिलेपछि निर्मलाको शवबाट निकालिएको भनिएको ‘भजाइनल स्वाब’को वैधानिकतामा प्रश्न उठेको छ।
१० साउनमा साथी रोशनी बम कहाँ पढ्न गएकी निर्मलाको शव भोलिपल्ट विहान बलात्कारपछि हत्या गरिएको अवस्थामा उखुबारीमा भेटिएको थियो ।
