महोत्तरी । जिल्लाको जलेश्वरमा एक यात्रुबाहक बसमा आगलागी भएको छ । आगलागी कारण बस पूर्णरुपमा क्षति भएको छ ।
बुधबार बिहान रोकिराखेको यात्रुबाहकबसमा अचानक आगलागी हुँदा बस पूर्णरुपमा जलेर क्षति भएको हो ।
काठमाडौंबाट महोत्तरी यात्रु बोकी आएको ना ८ ख ३३१६ नं को बसले सबै यात्रुलाई झारिसकेपछि सडक छेउमै रोक्दै चालक र सहचालकले खाना खान लागेकै बेला बसमा आगो लागेको जिल्ला प्रहरी कार्यालय महोत्तरीले जनाएको छ ।
आगलगीबाट बसको ९० प्रतिशत भाग जलेको प्रहरी उपरीक्षक कार्कीले जानकारी दिए ।
