भारत । भारतको सिक्किममा हिउँमा फेसका १ सय ५० पर्यटकलाई भारतीय सेनाले उद्धार गरेका छन्।
भारी हिमपात भएपछि उत्तरी सिक्किमको प्रख्यात पर्यटकिय स्थल लाचुङ उपत्यका घुम्न गएका पर्यटकहरु हिउँमा फसेका थिए।
अप्रत्याशित रुपमा २ घण्टासम्म परेको हिमपातले पर्यटकहरु बाहिर निस्कन सकेका थिएनन्। भारतीय सेनाको त्रिशक्ति समूहले घटनाबारे जानकारी पाए लगत्तै उद्धार गरेको हो।
करिब ४ घण्टाको अन्तरालमा सेनाले जोखिममा रहेका पर्यटकको ज्यान जोगाएका हुन्। मेडिकल टिमसहित सेनाको टोली त्यस स्थानमा पुगेका थियो।
पर्यटकहरुमा स्वासप्रस्वास र उचाइका कारण निम्तने समस्याहरु देखा परेका थिए। सेनाले उनीहरुलाई खाना, बस्न र स्वास्थ्य सेवाको सुविधा प्रदान गरेका थियो।
सिक्किममा गत डिसेम्बर २८ तारिखमा समेत यस्तै घटना घटेको थियो। हिमपातका कारण निम्तनसक्ने खतरा मध्यनजर गर्दै भारतीय सेनाले सिक्किम नटुला क्षेत्र घुम्न गएका ३ हजार पर्यटकको उद्धार गरेका छ।