प्रधान सेनापति पूर्णचन्द्र थापालाइ भारतमा मानार्थ प्रधान सेनापतिकाे पदवी दिइएकाे छ ।
भारतका राष्ट्रपति रामनाथ काेविन्दले राष्ट्रपति भवनमा शनिबार अायाेजित विशेष समाराेहमा उक्त पदवी प्रदान गर्नुभएकाे भारतीय राष्ट्रपतिकाे कार्यालयले जनाएकाे छ । उक्त समाराेहमा भारतका उच्च सैन्य अधिकारीहरूकाे पनि उपस्थिति थियाे ।
नेपाल र भारतका प्रधान सेनापतिहरूलाइ दुबै देशमा सन् १९५० देखि मानार्थ प्रधान सेनापतिकाे सम्मान दिइने प्रचलन रहेकाे छ ।
प्रधान सेनापति थापा भारतीय प्रधान सेनापति विपिन रावतकाे निमन्त्रणामा ६ दिनकाे भ्रमणकाे सिलसिलामा गत शुक्रबार भारत प्रस्थान गर्नुभएकाे थियाे ।
सेनापति थापाले भारतीय सेनाकाे जयपुरस्थित दक्षिण पश्चिम कमान्ड र लखनउस्थित केन्द्रीय कमान्डकाे निरीक्षण भ्रमण गर्नुहुनेछ ।
साथै, थापाले भारतीय रक्षामन्त्री निर्मला सितारमण र भारतीय सुरक्षा सल्लाहकार अजित डाेभालसँग भेटघाट गर्नुहुनेछ ।
