काठमाडौं । प्रहरीले पुरातात्विक बुद्धको मुर्तिसहित एक जनालाई पक्राउ गरेको छ ।
आईतबार काठमाडौं प्रहरी परिसर टेकुबाट खटिएको टोलिले ३ वटा बुद्धको मुर्ति सहित सिन्धुलीको मरिन–६ घर भइ हाल सामाखुशी बस्दै आएका ३९ वर्षीय दिलबहादुर ल्योलाई पक्राउ गरेको हो ।
प्रहरीका अनुसार स्वयम्भु, सीतापाइला र भगवानपाउ क्षेत्रमा मुर्तिको अवैध बेचविखन र कारोबार हुँदै गरेको सूचनाको आधारमा खटिएको टोलीले उनलाई पक्राउ गरेको बताए ।
प्रहरीका अनुसार ल्योले उक्त मुर्ति झोलामा लुकाएर ल्याएका थिए ।
मुर्ति कहाँबाट ल्याएका हुन् भन्ने स्रोत नखुलेका कारण ल्यो माथि थप अनुसन्धान भइरहेको प्रहरीको भनाइ छ ।
