जनकपुर । आफ्नो आफन्तलाई जागिर नदिएको भन्दै मन्त्रीले सचिवमाथि झापड हानेका छन् ।
गरीबी निवारण कोषको कार्यक्रम आफन्तलाई जागिर नदिएको भन्दै प्रदेश दुईका आर्थिक मामिला तथा योजना मन्त्री विजय यादवले मन्त्रालयका सचिवलाई कुटपिट गरेका छन् ।
मन्त्री यादवले मन्त्रालयमा कुराकानी गर्न उपस्थित भएका उद्योग, पर्यटन, वन तथा वातावरण मन्त्रालयका सचिव विद्यानाथ झालाई झापड हानेका हुन् ।
सचिवलाई मन्त्रीले झापड हान्दा प्रदेश दुईका सभामुख सरोज यादव पनि मन्त्रिको कार्यकक्षमै उपस्थित थिए ।
झापड खाएपछि सचिव झालाई प्रहरी निरीक्षक बडाबाबु शाहको साथमा जिम्मा लागाउदै भ्यानमा राखेर लगेका थिए ।
तर, मन्त्री यादवले भने आफूले सचिव झालाई नकुटेको दाबी गरेका छन् ।
