धर्म परिवर्तन गरेर क्रिश्चियन बनेको कारण आफ्नै परिवारले हत्या गर्ने योजना बनाएको थाहा पाएर भागेकी साउदी अरेबियाकी युवतीलाई क्यानडाले शरण दिएको कुराले शनिबारदेखि विश्वका मिडियामा खुबै चर्चा भएको छ ।
साउदी युवती रहाफ मोहम्मद अलकुनुनलाई शरणार्थी रुपमा स्विकार गरेको क्यानडाका प्रधानमन्त्री जस्टिन टुडोउले बताउनु भएको छ । क्यानडा विश्वभरीको मावनअधिकार र महिला अधिकारको पक्षमा उभिएको प्रधानमन्त्री टु«डोले बताउनु भएको छ । रहाफको तर्फबाट संयुक्त राष्ट्रसंघीय शरणार्थी निकायले पेश गरेको शरणार्थी आवेदन स्वीकार्दा आफ्नो सरकारलाई खुशी लागेको क्यानाडाका प्रधानमन्त्री जस्टिनको भनाई छ ।
क्यानडा र साउदी अरेबियाबीचको सम्बन्ध गएको अगस्टमा नाटकीय ढङ्गबाट बिग्रिएको थियो । साउदी जेलमा राखिएका महिला अधिकारवादीहरूलाई रिहा गरिदिन क्यानडाले माग गरेको थियो । तर साउदीले मानेको थिएन । सोही कारण पनि क्यानडाले साउदी महिलालाई शरणार्थीका रुपमा सहजै स्विकार गरेको बताइएको छ ।
आफ्ना परिवारसँग कुवेत भ्रमणमा रहेकी रहाफले अचानक बैंककको उडानबाट भाग्ने निर्णय गरेकी थिइन् । उनको खास उद्देश्य बैंककबाट अस्ट्रेलियाको उडान समात्ने थियो । उनीसँग अस्ट्रेलियाको प्रवेश आज्ञासमेत रहेको थियो । तर पनि थाइल्याण्डबाटै उनी क्यानाडा जाने बताएका थिइन ।
