चितवन । केन्द्रले जग्गाको कित्ताकाट खुल्ला गरेपनि चितवनको भरतपुर महानगरपालिकामा कित्ताकाट नहुने भएको छ । जग्गाको कित्ताकाट सम्बन्धमा केन्द्र सरकारले गरेको निर्णय पूर्णरुपमा लागु गर्न नसकिने चितवनको भरतपुर महानगरपालिकाले जनाएको छ ।
सरकार निणर्य गरेपनि जग्गाको वर्गिकरणका आधारमा जग्गाको अंशबण्डा, किनबेच, प्लटिङको मापदण्ड स्थानीय तहले नै बनाउने उल्लेख गरिएको नीति अनुसार भरतपुर महानगरपालिकाले थप गृह कार्य गर्न आवश्यक रहेका कारण तत्काल जग्गा कित्ताकाट प्रकिया अगाडि नबढाईने भएको हो ।
जग्गाको कित्ताकाट निर्णय भएसगैँ भरतपुरमा मनपरी तवरले भू–माफियाहरु सल्बलाउने भएका कारण आफूहरुले स्पष्ट कार्ययोजना बनाएर मात्रै जग्गाको कित्ताकाट लागु गर्ने भरतपुर महानगरकी मेयर रेनु दाहालले जानकारी दिइन् ।
भरतपुरमा मात्र अव्यवस्थित तवरले प्लटिङ भएका कारण झण्डै २० प्रतिशत कृषि योग्य जमिन मासिएको कृषि कार्यालयको तथ्याङ्क छ ।
भरतपुरमा मनपरी तवरले पैसा खुवाएर भ्रष्ट्रचारको आधारमा तिब्र गतिमा जथभावी प्लटिङ हुने भएका कारण यसलाई रोक्न केन्द्र सरकारलेो निणर्य नमान्ने भएको हो ।
साढे एक वर्षअघि भएको जग्गाको कित्ताकाट नेपाल सरकारले पुस २७ गतेबाट तत्काल लागू हुनेगरी खुला गरेको थियो ।
जग्गा खण्डिकरण रोक्ने उद्देश्यले २६ साउन २०७४ कित्ताकाट खारेज सम्बन्धी निर्णय भुमि व्यवस्था मन्त्रालयले हटाएको थियो।
