काठमाडौं । सुनको भाउ आज पछिल्लो ६ वर्षयताकै उच्चविन्दुमा पुगेको छ । सोमबार ६० हजार ६ सयमा कारोबार भएकोमा मंगलबार ४ सय रुपैयाँ बढेर सुन प्रतितोला ६१ हजार रुपैयाँ पुगेको हो ।
पुस महिनाभरी ५८ देखि ६० हजारको बीचमा रहेको सुनको भाउ माघ बढेको हो ।
अमेरिकी डलर कमजोर हुँदै जाँदा सुनको मूल्य बढेको व्यवसायीको भनाइ छ । व्यवसायीका अनुसार सुनको भाउ अझै बढ्न सक्ने सम्भावना छ ।
मंगलबार तेजाबी सुनको मूल्य ४ सय रुपैयाँ बढेर ६० हजार ७ सयमा कारोबार भइरहेको छ । मंगलबार चाँदीको मूल्य प्रतितोला ५ रुपैयाँले वृद्धि भएको छ ।
