काठमाडौँ । लिबियामा रोजगारीको लागि गएका ५ जना नेपालीलाई बन्धक बनाईएको छ ।
लिबियाका पाँचौ जनालाई स्थानीय गुन्डा समूहर्ले बन्धक बनाएको उल्लेख गरिएको छ । बन्धकमा परेका व्यक्तिहरुले परिवारलाई भिडियो बनाएर पठाएपछि सो कुराको जनाकारीमा आएको नेपालमा रहेका आफ्न्तहरले बताएका छन् । उक्त भिडियोमा उनीहरूले आफूहरूलाई बारम्बार बन्दुक तेस्र्याएर मार्ने धम्की दिने गरिएको जनाएका छन् ।
बन्धक बनाईएका सबै नेपाली एजेन्टबाट इटाली लैजाने भन्दै लिबिया पुर्याएका हुन् । लिबियालाई मानव तस्करले युरोप तथा अमेरिका लैजाने मुख्य ट्रान्जिटका रूपमा प्रयोग गर्ने गरेका छन् । एक मिनेटको भिडियोमा उनीहरूले कोठामा १४ पाकिस्तानीसमेत रहेको जनाएका छन् । ‘हामीलाई कोही नभएको एउटा कोठामा बन्धक बनाएर राखेका छन् । बेला–बेला सानो भाँडामा दाल र चामल मिसाएर खाना खान दिने गरेको छ । सबैले त्यही भाँडाबाट हातले झिकेर खानुपर्छ,’ भिडियोमा भनिएको छ, ‘यहाँ को–को माफिया छन् । थाहा छैन । कुट्ने, पिट्ने गर्छ । समय–समयमा बन्दुक तेस्र्याएर मारिदिन्छु भन्दै धम्की दिन्छ ।’
यी युवालाई पोखरा–१९, कास्कीका जितकाजी गुरुङले काठमाडौंका सन्तोष पराजुलीसँग मिलेर चार महिनाअघि दुबई हुँदै लिबिया पठाएका थिए । जितकाजीले इटालीमा फुपूले राम्रो काम लगाइदिने विश्वास दिलाई झन्डै ५१ लाख रुपैयाँ असुलेको पीडित परिवार सदस्यले बताएका छन् । तर ती युवकलाई ईटाली नलगी लिबिया पुर्याईएको हो । लिबियामा अलपत्र परेपछि बारम्बार गुरुङ र पराजुलीलाई जानकारी दिदाँ समेत कुनै चासो नदिएको परिपारका सदस्यहरुले बताएका छन् ।
भिडियो परिवार समक्ष हातमा परेपछि हाल उद्धारका लागि परराष्ट्र मन्त्रालयमा उजुरी दिएका छन् तर लिबियाली दूतावासले भने नेपालीलाई थुनेर राख्ने एजेन्ट वा नेपाली नागरिकको फोन नम्बर उपलब्ध गराउन अनुरोध गरेको छ ।
