काठमाडौं । संसदीय सुनुवाई समितिले दुईजना राजदूतको नाम सर्बसम्मत रुपमा अनुमोदन गरेको छ ।
बिहीबार बसेको समितिको बैठकले फ्रान्सका लागि प्रस्तावित आवासीय राजदूत दीपक अधिकारी र थाइल्याण्डका लागि प्रस्तावित राजदूत गणेशप्रसाद ढकाललाई अनुमोदन गरेको हो ।
परराष्ट्र मन्त्रालयले सहसचिव दीपक अधिकारीलाई फ्रान्स र अर्का सहसचिव भृगु ढुङ्गानालाई क्यानाडाको राजदूतमा त्यसैगरी गणेश प्रसाद ढकाल थाइल्यान्ड, दुर्गा प्रसाद भन्डारी कुवेत र मणि भट्टराई जेनेभास्थित युएन मिसनमा सिफारिस गरेको थियो ।
गत पुस ६ गते र ९ गते बसेको मन्त्रिपरिषद् बैठकले ढकाल र अधिकारीसहित पाँच जनालाई विभिन्न देश तथा नियोगका लागि राजदूत सिफारिस गरेको थियो । तर, पाँचै जनाविरुद्ध कुनै पनि उजुरी नपरेको कारण गर्दा सीधै पहिलो चरण मै अधिकारी र ढकालको नाम अनूमोदन गरेको हो ।
अनूमोदन भएका मध्ये अधिकारी हाल परराष्ट्रका प्रमुख शिष्टाचार महापाल थिए । त्यसैगरी ढकाल चीन हेर्ने महाशाखा प्रमुका प्रमुखका रुपमा काम गरिरहेका थिए ।
