काठमाडौँ । अख्तियार दुरुपयोग अनुसन्धान आयोगले इलाका प्रशासन कार्यालय सिमरा, बारामा कार्यरत सहायक कम्प्युटर अपरेटर राज्यनारायण साहलाई नियन्त्रणमा लिएको छ ।
अख्तियार दुरुपयोग अनुसन्धान आयोगको हेटौंडा कार्यालयबाट खटेको टोलिले साहलाई रू १,५०० रकम घुसबापतको लिइसकेको अवस्थामा नियन्त्रण गरेको सह सचिव रामेश्वर दंगालले जनाकारी दिएका छन् ।
साहले नागरिकता प्रमाणपत्र बनाई दिने प्रयोजनका लागि सेवाग्राहीसँग विभिन्न बहाना बनाई घुस रकम माग गरिरहेको भन्ने सूचना एवं उजुरीको आधारमा अख्तियार पक्राउ गरेको थियो ।
साहलाई भ्रष्टाचार निवारण ऐन, २०५९ को दफा ३ को उपदफा (१०) बमोजिम कसुर गरेको पुष्टि गरि बिगो बापत रू.१,५०० कायम गरी भ्रष्टाचार निवारण ऐन, २०५९ को दफा ३ को उपदफा (१०) र दफा ३ को उपदफा (१०) को देहाय (क) बमोजिम सजाय हुने मागदाबी सहित आज विशेष अदालत काठमाडौंमा आरोप–पत्र दायर गरिएको छ ।
