काठमाडौं । नेपाली काँग्रेसका सभापति शेरबहादुर देउवालाई ‘हाम्रो अभियान, हाम्रो काँग्रेस’का नेता तथा कार्यकताहरुले सुझावपत्र बुझाएका छन् ।
उक्त अभियानमा आबद्ध नेता तथा कार्यकताहरुको २३ जनाको समुहलेसुझावपत्र बुझाएका हुन्। बिहीबार पार्टी कार्यालय सानेपामा २३ जनाले हस्ताक्षरसहित पार्टी सभापति देउवालाई सुझावपत्र बुझाएका हुन् ।
उनीहरुले संघीय लोकतान्त्रिक संविधानलाई कायर्नन्वयन जोड दिनुपर्ने निर्मला हत्या, वाइडबडी खरिद र डा.गोविन्द केसीको सत्याग्रह प्रकारणमा पार्टी सशक्त रुपमा उत्रिनुपर्नेमा जोड दिएका छन् ।
त्यस्तै, सुझाव पत्रमा केन्द्रीय सदस्य बुथबाट निर्वाचित भई महाधिवेशन प्रतिनिधि बन्ने, आरक्षण कोटा एक पटक मात्रै उपयोग गर्न पाउनुपर्ने, कम्युनिष्टसँग किताकट गर्नुपर्ने, इमानदार कार्यकर्ताको पार्टीमा सम्मान हुनुपर्ने सझाव दिएका छन् ।
उनिहरुले महाधिबेशनबाट पारित बिधान तथा निर्णयहरु लागु गर्नु पर्ने र काँग्रेसलाई जनस्तरसम्म पुर्याउन प्रभावकारी भुमिका खेल्न दवाब दिनको लागि सुझावपत्र पेश गरेका हुन् ।
