काठमाडौं । तीन पुस्तादेखि बसोबाास गर्दै आएको सिरहा मिर्चैया नगरपालिकाको रम्पुरा गाउँको यो दलित बस्ती सिरहा नगरपालिकाकै रासो धुनियासँग दलित परिवारले ५० वर्ष भन्दा पहिले खरिद गरेका थिए । तर जग्गा पास नहुँदै धुनियाको मृत्यु भएपछि जग्गा पास दलितका नाममा जग्गा पास भने भएको थिएन ।
गाउँकै भरत यादवले धुनियाको नाम रहेको फूलवरीयाको १८ नम्बर कित्ताको सात कठ्ठा दश धुर जग्गा २०७० सालमा किर्तेगरी आफ्नो नाममा नामसारी गराई २०७५ आसोजमा गोलबजार नगरपालिकाका रामपरीक्षण यादवलाई बिक्री गरेपछि दलित परिवारको बिच्चली भएको हो । मिर्चैया नगरपालिका वडा नम्बर ९ का वडाअध्यक्ष मोहन पोख्रेलले यादवले आफूलाई झुक्याएर घरबाटो, बस्ती केही नभएको सिफारिस गराएर दलित बस्ती बिक्री गरेको स्वीकारेका छन् ।
दलितबस्तीका अगुवा रामेश्वर महाराले भने भूमाफियाले पुरै बस्ती खाली गर, नत्र ज्यान मार्ने भन्दै धम्की दिने गरेको आरोप लगाएका छन् ।
बस्ती खाली गर्न भूमाफियाले धम्की दिएपछि किर्ते गरी दलित बस्ती बिक्री गर्ने भूमाफियालाई कारबाही दलित परिवारले माग गरेका छन् ।
दलित परिवारले बस्ती फिर्ताको माग गरी स्थानीय न्यायिक समिति, जिल्ला प्रशासन, जिल्ला अदालत, अख्तियार दुरुपयोग अनुसन्धान आयोगको दुई नम्बर प्रदेश कार्यालय बर्दिवासमा उजुरी दिएका छन् । तर ती कुनै निकायले अहिलेसम्म पीडित परिवारको उजुरीमाथि सुनुवाइ नै गरेका छैनन् । समाचार कान्तिपुरमा छ ।
