काठमाडौं । साताको पहिलो दिन सेयर बजारमा दोहोरो अंकको गिरावट आएको छ । आइतबार सेयर बजार १० दशमलव ६८ अंकले ओरालो लागेको हो ।
सेयर बजारमा दोहोरो अंकको गिरावट देखिएसँगै नेप्से परिसूचक घटेर १ हजार १ सय ६२ दशमलव ०९ मा झरेको छ ।
आइतबार दिनभर भएका ६ हजार ७ सय ३० करोबारबाट १ सय ६४ कम्पनीका ११ लाख ८५ हजार ८७२ कित्ता सेयर किनबेच भएका छन् । जसअनुसार कारोबार रकम ३४ करोड ३ लाख ७१ हजार रुपैयाँ पुगेको नेपाल स्टक एक्सचेञ्जले जनाएको छ ।
कारोबार रकमका आधारमा आइतबार अपर तामाकोशी हाइड्रोपावर कम्पनी पहिलो नम्बरमा देखिएको छ । अपर तामाकोशीको आइतबार ३ करोड २४ लाख ६३ हजार रुपैयाँ बराबरको सेयर किनबेच भएको छ ।
