काठमाडौँ । शिक्षा, विज्ञान तथा प्रविधिमन्त्री गिरिराजमणि पोखरेलले आमरण अनसन छोड्न डा.गोविन्द केसीलाई पुनः आग्रह गरेका छन्।
मन्त्री पोखरेलले संसदले पारित गरेको राष्ट्रिय चिकित्सा शिक्षा विधेयकलाई स्वागत गरेर अघि बढदा नै डा. केसीको पनि सम्मान हुने तर्क समेत गरे।
सोमबार राष्ट्रियसभाको बैठकमा ‘राष्ट्रिय चिकित्सा शिक्षा विधेयक–२०७५’ टेबल गरेपछि मन्त्री पोखरेलले विधेयक विधि र प्रक्रियाभित्रै रहेर पारित गराउने स्पष्ट पारे। उनले डा। केसीले संसदीय विधि र प्रक्रियामाथि बाधा पार्ने काम गर्न नहुने तर्क गरे।
मन्त्री पोखरेलले डा. केसीको मूलभूत मागलाई समेटिएर विधेयक आएको उल्लेख गर्दै त्यसमा केही कमजोरी भए संशोधन गर्दै लैजाने प्रतिवद्धता पनि व्यक्त गरे।
मन्त्री पोखरेलले डा.केसीको जीवन रक्षाका लागि सरकारले इलामबाट काठमाडौं ल्याएर उपचार गरिरहेको पनि स्पष्ट पारे।
