काठमाडौं । नेपाली काँग्रेसको भातृ बिद्यार्थी संगठन नेविसंघले सिंहदरबार अगाडि कालो झण्डा उडाएको छ ।
प्रधानमन्त्री केपी शर्मा ओलीको सरकारसँग निर्मला पन्तलाई न्याय र बिगत २४ दिन देखि अनसनरत डा.केसीको जीवन रक्षाको लागि भन्दै नेविसंघ बिरोधमा उत्रिएको हो ।
उनिहरुले डा. केसी र निर्माला पन्तलाई न्यायको साथ साथै सरकारसँग भ्रष्टाचार नियन्त्रणको माग गरेर बिरोध जनाएका हुन् ।
नेविसंघले बेलुनमा बाधेर कालो झण्डा उडाउँदै सरकारको विरोध जनाएको हो । नेविसंघले यसअघि पनि एयर्पोटमा प्रधानमन्त्री केपी शर्मा ओलीलाई कालो झण्डा देखाएको थियो ।
नेविसंघले गत माग ११ गते प्रतिनिधिसभाबाट डा. केसीसँग गरिएको सहमति विपरित राष्ट्रिय चिकित्सा शिक्षा विधेयक पारित गरेपछि त्यसको विरोधमा आन्दोलनलाई तीव्रता दिएको हो । डा.केसीको माग तत्काल सम्बोधन नगरे सरकारविरुद्धको आन्दोलनलाई झनै आक्रामक बनाउने नेविसंघको चेतावनी छ ।
