काठमाडौं । नेपाल विद्यार्थी संघले शुक्रबार दिउँसो सिंहदरबारको मुल गेटमा नै सरकार विरुद्ध जुलुश प्रदर्शन गरेको छ । अकस्मात जम्मा भएका विद्यार्थी नेताहरुले मूल गेटबाट बेलुनमा कालो ब्यानर सिंहदरबार भित्रतर्फ उडाएका छन् ।
सरकार विरुद्ध नारा लेखेर सिंहदरवारको मूल गेट अघिबाट काला तथा राता बेलुन उडाएको नेविसंघका नेता तथा पूर्व केन्द्रीय सदस्य गणेश सापकोटाले जानकारी दिए । जुलुशमा उनी सहित अन्य केन्द्रीय सदस्यहरु सहित केन्द्रीय सदस्यहरू सुशील भट्ट, जानुका पन्त लगायतका थिए । नेवि संघका कैयौँ कार्यकर्ताहरुले निषेधित क्षेत्रमै प्रदर्शन गरेका हुन् ।
निषेधित क्षेत्रमा भएको प्रदर्शनको प्रहरीले सुइको समेत नपाएको नेता सापकोटाले जानकारी दिए ।
कैयौँ विद्यार्थीहरु रहेको सो प्रदर्शनमा निरन्जन थापा, सुसान्त आचार्य, संतोष गुरुङ, सुवास घिमिरे, मंगल गुरुङ, बिजय ढुङ्गाना, सुदिप अधिकारी लगायतका विद्यार्थीको सहभागी रहेको थियो ।
