काठमाडौं । दिपायल सिलगढी नगरपालिका वडा नं. ८ लडागडाको टिमुरदह गाउँ नजिकै ब्रमण्डी सामुदायिक वन क्षेत्रमा शनिबार पोथी चितुवा मृत अवस्थामा फेला परेको छ ।
अन्दाजी तीन वर्ष जतिको पोथी चितुवाको शरिरमा घाउ देखिएका छन् । पोष्टमार्टम गरेपछि मात्रै मृत्युको वास्तविक कारण पत्ता लाग्ने डिभिजन वन कार्यालय डोटीका रेन्जर सुरेश रोकायाले बताए ।
ब्रमण्डी सामुदायिक वन क्षेत्रको खोल्सीमा चितुवा मृत अवस्थामा भेटिएपछि सामुदायिक वनका अध्यक्ष झंकर साउँदले डिभिजन वन कार्यालयलाई जानकारी गराएका थिए । यसअघि यहि माघ ३ गते शिखर नगरपालिका वडा नं. १० बनलेकको जंगलमा पोथी चितुवा मृत अवस्थामा फेला परेको थियो । समाचार राजधानी दैनिकमा छ ।