काठमाडौं । प्रमुख प्रतिपक्षी नेपाली कांग्रेसले भेनेजुयलाबारे अमेरिकाको खिलापमा सत्तारूढ नेपाल कम्युनिस्ट पार्टीका अध्यक्षले गरेको सार्वजनिक अभिव्यक्ति गलत भएको निश्कर्ष निकालेको छ ।
आइतबार संसदीय दलको कार्यलय सिंहदरबारमा बसेको कांग्रेस संसदीय दलको बैठकले नेपालको विकास निमार्ण लगायतका क्षेत्रमा सहयोग गर्दै आएको अमेरिकासँग सम्बन्ध बिग्रने गरी प्रचण्डले अभिव्यक्ति सार्वजनिक गर्न नहुने निश्कर्ष निकालेको हो ।
‘अमेरिकाको खिलापमा प्रचण्डले राखेको सार्वजनिक अभिव्यक्ति गलत छ’, बैठकपछि कांग्रेसका प्रमुख सचेतक बालकृष्ण खाँडले भने, ‘सम्बन्ध बिगार्न खोज्नु दूर्भाग्य हो ।’
उनले सम्बन्ध बिगार गरे नेपाललाई ठुलो क्षति हुने भन्दै यस्तो कार्य नगर्न सतारुढ दललाई सुझाव समेत दिए ।
