काठमाडौं । राष्ट्रपति विद्यादेवी भण्डारीको चीन भ्रमणको बेला नेपाल र चीनबीच पारवहन प्रोटोकलमा हस्ताक्षर गर्ने तयारी गरिएको छ ।
बेल्ट एन्ड रोड इनिसिएटिभ (बीआरआई) सम्मेलनमा सहभागी हुन राष्ट्रपति भण्डारी दुई महिनापछि चीन जाने तयारी छ । त्यही बेला नेपाल र चीन पारवहन सम्झौता कार्यान्वयनका लागि बनेको ‘प्रोटोकल’मा हस्ताक्षर गर्ने योजना बनाइएको वाणिज्य मन्त्रालय स्रोतले बताएको छ ।
।
प्रोटोकलमा हस्ताक्षर भए चीनले नेपाललाई चार वटा समुन्द्री र तीन सुख्खा बन्दरगाह प्रयोग गर्न दिनेछ । यससँगै तेस्रो मुलुकबाट हुने आयातका लागि भारतीय बन्दरगाहमाथि परनिर्भरता अन्त्य हुनेछ ।
हाललाई नेपालले तियान्जेन, सेनजेन, लियानयुगाङ र झाङजियाङ गरी चार वटा सामुन्द्रिक बन्दरगाह प्रयोग गर्न सक्ने सहमति भएको छ । सुख्खा बन्दरगाहतर्फ आन्जाओ, ल्हासा र सिगात्से पनि प्रयोग गर्न सकिनेछ । सुख्खा बन्दरगाहतर्फ आन्जाओ, ल्हासा र सिगात्से पनि प्रयोग गर्न सकिनेछ ।
नेपालले चीनको भूमि हुँदै जापान, कोरिया लगायतका तेस्रो मुलुकबाट वस्तु आयात गर्न र तेस्रो मुलुकबाट बस्तु निर्यात गर्न पारवहन मार्ग खुला हुनेछ ।
नेपालले हाल भारतको कोलकता र विशाखापटमको सामुन्द्रिक बन्दरगाह प्रयोग गरिरहेको छ । चीनसँग सम्झौतापछि नेपालले चीनबाट पनि समुन्द्रमा पहुँच प्राप्त गर्नेछ ।
