काठमाडौं । भूमि व्यवस्था, सहकारी तथा गरिबी निवारण मन्त्री पद्माकुमारी अर्यालले मालपोल कार्यालय चालबिलको छड्के जाँच गरेकी छन् । सोमबार बिहान साढे १० बजे चाबहिल मालपोलमा पुगेकी मन्त्री अर्यालसहितको टोलीले कार्यालयमा भइरहेका दैनिक गतिविधिहरुको अनुुगमन गरेको थियो ।
मन्त्रीको टोलीले कार्यालय प्रवेश गरेर सेवाग्राहीले सेवा लिने प्रत्येक कक्षमा सेवाग्राहीसरह बसेर त्यहाँको गतिविधिको अनुुगमन गरेको थियो । सचिव गोपीनाथ मैनालीसहित अनुुगमनमा गएकी मन्त्री अर्यालले सेवाग्राहीसँग सेवा प्रवाहबारे जानकारी समेत लिएकी थिइन् ।
त्यसक्रममा कार्यालयमा मन्त्री अर्याल अनुुगमनमा आएको खबर पाएपछि लेखापढी व्यवसायीहरुले कार्यालयमा व्यवसाय गर्न असहज भएको, व्यस्थापन राम्रो नभएको, भवन सेवामैत्री नभएको गुनासा राखेका थिए ।
मन्त्री अर्यालले पछिल्लो समय प्रयोगमा ल्याएको फाराम सेवाग्राही आफैँले भर्नसक्ने भएका कारण आफ्नो व्यवसाय समस्यामा परेको लेखापढी व्यवसायीले गुनासो गरे । अनुुगमनका क्रममा कर्मचारीले अनलाइन प्रणालीले काम गर्न सहज भएपनि बेलाबेला सर्भर डाउन हुँदा काम गर्न समस्या भएको बताएका थिए ।
कर्मचारीहरुले विशेषतः अनलाइन सिस्टममा काम गर्नका निम्ति एकचोटी लिएको तालिम पर्याप्त नभएको र थप तालिमको आवश्यकता रहेको बताएका थिए । अनुुगमनपछि मन्त्री अर्यालले सेवाग्राहीलाई कसरी खुसी बनाउन सकिन्छ भन्ने मन्त्रालयको मूल लक्ष्य भएको भन्दै त्यसका निम्ति विभिन्न कार्यालयको निरन्तर अनुुगमन गर्नेक्रम थालिएको बताइन् ।
व्यवहारमा देखिएका समस्याका कुरा स्कुलिङबाट सुधार गर्ने र सेवासँग जोडिएका संरचनागत कुरालाई संरचना सुधारका अभियान सञ्चालन गरिने मन्त्री अर्यालले बताइन् । नुुगमनको क्रममा कामको प्रकृतिअनुसार कार्यालय उपयुुक्त नभएकाले कार्यालय अर्को ठाउँमा सार्ने विकल्प खोज्न मन्त्री अर्यालले कार्यालय प्रमुखलाई निर्देशन दिएकी छन् ।
अहिले उठेको सुशासनमाथिको प्रश्नको कुरालाई निरुपण गर्न सेवामा प्रविधिको प्रयोग लगाउन खोजेका उनको भनाइ थियो । ‘कार्यालयमा देखिएका कमिकमजोरी के छन, मन्त्रालयका तर्फबाट सुधार गर्नुपर्ने विषयहरु के छन् र कर्मचारी र सेवाग्राहीहरुबीचको सम्बन्ध कस्तो छ भनेर व्यवहारका विषयहरु समेत अध्ययन गर्ने कार्यको थालनी गरेका छौँ, उनले भनिन् ।
भविष्यमा मन्त्रालय अन्तर्गतका सम्पूूर्ण सेवा पेपरलेश हुनुपर्छ भन्ने उद्देश्यका साथ मन्त्रालयले कार्य अगाडी बढाएको मन्त्री अर्यालले बताइन् । मालपोल कार्यालय चाबहिलका कार्यालय प्रमुख पदमप्रसाद अर्यालले अहिले भाडामा रहेको कार्यालयको संरचना सेवामैत्री नहुँदा सेवाप्रवाहमा समस्या भएको बताएका थिए ।
उनले नयाँ बन्दै गरेको कार्यालयको भवन निर्माण सम्पन्न हुन नसकेको गुनासो गरेका थिए । मन्त्रालयका सचिव गोपिनाथ मैनालीले कार्यालय अनुुगमनका क्रममा केही कर्मचारी अनुुपस्थित देखिएको र केहीले हाजिर नगरेरै काम गरिरहेको पाइएको बताए । समाचार अन्नपूर्ण पोष्टमा छ ।
