स्याङ्जा । गल्याङ क्याम्पस प्रमुख मंगलबार कार्यालयमै तीन घण्टा थुनिएका छन् । क्याम्पस हाताभित्र रहेको खानेपानीको धारामाथि टाँसिएको शिलालेखमा नाम नसच्याएको भन्दै नेपाल विद्यार्थी संघल क्याम्पस प्रमुख बालकृष्ण चापागाईंलाई कार्यालयमै तीन घण्टा थुनेका हुन् ।
माघ २२ गते टाँसिएको गल्याङ् नगरपालिकाको सहयोगमा गल्याङ बहुमुखी क्याम्पसमा निर्मित खानेपानीको धारामाथिको शिलालेखमा अनेरास्ववियुद्वारा निर्मित भनी लेखिएपछि नेविसंघले नाम सच्चाउन आग्रह गरेको थियो ।
क्याम्पस प्रशासन र गल्याङ् नगरपालिकामा समेत पटक–पटक जानकारी गराउँदा दुबै पक्षले गलत भनी स्वीकार गर्ने तर शिलालेखमा लेखिएका वाक्यांश सच्चाउन नचाहेका कारण क्याम्पस प्रमुखलाई थुन्न बाध्य भएको इकाई सभापति छविलाल भूसालले बताए ।
