काठमाडौँ । देशभरका डाक्टरहरु सडक आन्दोलनमा उत्रिएका छन् ।डाक्टरहरुको आन्दोलनले बिरामीहरु मर्कामा परेका छन् ।
राजधानीका टिचिङ, वीर, कान्ति, ट्रमा सेन्टर र टेकुलगायतका अस्पतालहरुले कुन काम नगर्दा उपत्यका बाहिरका अस्पतालहरुमा पनि आकस्मिकबाहेकका सेवा ठप्प छ ।
सरकारले पास गरेको कर्मचारी समायोजन विधेयकको विरोध गर्दै सरकारी डाक्टरहरुले अस्पतालका सबै सेवाहरु अबरुद्द पार्दा बिरामीहरु बिचल्लीमा परेका हुन् । यसअघि उनीहरुले धर्ना, र्यालीलगायतका कार्यक्रम गर्दै आएका थिए । सबै सरकारी डाक्टरहरुलाई संघ मातहत राख्नुपर्ने माग उनीहरुको छ ।
सरकारी चिकित्सक संघको यो आन्दोलनलाई नेपाल मेडिकल एसोसियसनले समेत समर्थन गरेको छ । त्यसैले उपचार सस्तो हुने सरकारी अस्पतालहरुमा उपचार सेवा प्रभावित भएको छ । सरकारी अस्पतालमा ओपीडी सेवा बन्द भएपछि बिरामीहरु निजी अस्पतालमा जान बाध्य छन् र महंगो शुल्कको मारमा परेका छन् ।
देशभर करिब १४ सय सरकारी डाक्टरहरुले स्वास्थ्य सेवा दिवस मनाउने आजको कार्यक्रम पनि बहिष्कार गरेका छन् ।
