काठमाडौँ । राष्ट्रिय सभाका अध्यक्ष गणेशप्रसाद तिमिल्सिनाले शनिबार राति ह्याम्स अस्पतालमा निधन भएका पूर्व प्रधानमन्त्री एवम पहिलो पुस्ताका कम्युनिष्ट नेता भरतमोहन अधिकारी प्रति सम्बेदना प्रकट गरेका छन् । अधिकारीको निधनले अत्यन्तै मर्माहत बनाएको भन्दै शोकाकुल परिवार,आफन्तप्रति गहिरो समंबेदना प्रकट गरेका छन् ।
अध्यक्ष गणेशप्रसाद तिमिल्सिनाले आईतवार एक विज्ञप्ति जारी गर्दै दिवंगत अधिकारी एक सफल अर्थविद्, संविधानविद् र राजनीतिज्ञ भएको भन्दै प्रशंसा समेत गरेका छन् । निरंकुशताको विरुद्धको संघर्ष र नेकपा तथा कम्युनिष्ट पार्टिमा खेलेको भूमिकाले नेपाली समाजले सदा स्मरण गरिरहने उनले उल्लेख गरेका छन् ।
अधिकारीको पार्थिव शरीरलाई मध्याह्न १२ बजेसम्म पार्टी कार्यालयमा राखिएको थियो । नेकपा सचिवालयको अनुसार १२ बजेपछि अधिकारीको पशुपति आर्यघाटमा दाहसंस्कार गरिने छ । उनीप्रति श्रद्धाञ्जली अर्पण गर्न नेता कार्यकर्ता र सर्वसाधारणको नेकपा केन्द्रीय कार्यालय धुम्बाराहीमा घुइँचो लागेको छ ।
पार्टी कार्यालय धुम्बाराहीमा आयोजित श्रद्धाञ्जली सभामा नेकपा अध्यक्षद्वय ओली र प्रचण्डले अधिकारीको पार्थिव शरीरमा पार्टीको झण्डा ओढासकेका छन् । पार्टिले शोक व्यक्तव्यपनि जारी गरिसकेको छ ।
