बलिउडका नायिका तापसी पन्नुले निर्माता करण जोहरको चर्चित टक शो ‘कफि विथ करण’शोका लागि म योग्य नभएको बताएकी छिन् । हालै मात्र नायिका कंगना रनावतसँ दुश्मनी मोलेका करणले तापसीसँग पनि दुश्मनी मोलेका हुन् ।
हालैमात्र करणको कार्यक्रमको प्रोमोमा कलाकार वीर दासले रमाइलो गर्दै तापसीको नाम जोडेका थिए । यसमा नायिका तापसीले घुमाएर जवाफ दिएकी छिन् ।
तापसीले लेखेकी छिन्–‘हाहाहा, रमाइलो । तर, यो ठाउँमा पुग्नका लागि म अझै योग्य भएकी छैन । म यो श्रृङ्खला हेर्नका लागि हताएिकी छु । तपाइहरु सबै एकदमै रमाइलो गर्नुहुन्छ ।’ करणले यो शोमा बलिउडका थुप्रै नयाँ नायिकालाई निम्तो गरेपनि तापसीलाई भने अहिलेसम्म निम्तो गरेका छैनन् ।
जोहरको ‘कफि विथ करण’मा थुप्रै नयाँ नायिकाहरु सहभागी भैसकेका छन् । तर, यो शोमा नायिका तापसी पन्नु अहिलेसम्म सहभागी हुने अवसर पाएकी छैनन् ।
करणको यो शोमा चलचित्र नै रिलिज नभएकी नायिका अनन्या पाण्डे सहभागी भैसकेकी छिन् ।
