१३ फाल्गुन २०८१, मंगलवार
February 25, 2025 Tuesday
Latest
पाल्पामा मगर दिवस मनाउन सार्वजनिक बिदा भारतीय सेनाका पूर्वस्थल सेनाध्यक्ष नेपालमा नेपालगञ्जमा सिटी हलको शुभारम्भ, विकास निर्माणले आर्थिक गतिविधिलाई बढवा दिन्छ : उपप्रधानमन्त्री सिंह काठमाडौं टिम च्याम्पियन नेपाल अफ्रिका इन्टरनेशनल फिल्म फेस्टिभलको उत्कृष्ट विद्यार्थी फिल्ममा ‘द स्कुल वाल’ उर्जामन्त्री, सचिव र विद्युत नियमन आयोग विरुद्ध अख्तियारमा उजुरी हत्या गरेको अभियोगमा पक्राउ महाशिवरात्रीको पूर्वसन्ध्यामा प्रधानमन्त्री पशुपतिमा स्वास्थ्य बिमाका लागि सुरक्षित कोष बनाउन आवश्यक : मन्त्री पौडेल प्रतिनिधिसभा बैठक: आमसञ्चार परिषद् विधेयक सर्वसहमतिले स्वीकृत
तपाईं के खोज्दै हुनुहुन्छ ?

इरानी राष्ट्रपति रौहानी इराक भ्रमणमा, द्विपक्षीय सम्बन्ध र सहयोगका बारेमा छलफल हुने



अ+ अ-

बग्दाद । इरानका राष्ट्रपति हसन रौहानी तीन दिने औपचारिक भ्रमणको क्रममा सोमबार इराकको राजधानी बग्दाद पुगेका छन् ।

अमेरिकाले इराकलाई छिमेकीहरुको सम्बन्ध सीमित राख्न दबाब दिइरहेका अवस्थामा रौहानीको औपचारिक भ्रमण भएको छ ।

तेहरानबाट प्रस्थान गर्नुअघि रौहानीले इरान र इराकबीच “विशेष सम्बन्ध” रहेको बताए । उनले इरान र इराकबीचको सम्बन्ध इराक र “आक्रमणकारी मुलुक अमेरिका”बीच रहेजस्तो सम्बन्ध होइन भन्दै छिमेकी मुलुकहरुलाई जस्तोसुकै सहयोग गर्न इरान तयार रहेको बताए ।

इराकी र इरानी टेलिभिजनहरुले राष्ट्रपति रौहानीको भ्रमणबाट दुई देशबीचको सम्बन्ध थप सुदृढ र सुमधुर हुने बताएका छन् ।

इराकीया टेलिभिजन च्यानलका अनुसार राष्ट्रपति रौहानीलाई बगदाद अन्तर्राष्ट्रिय विमानस्थलमा इराकका राष्ट्रपतिले स्वागत गरेका थिए । उनले इराकमा रहँदा वरिष्ट इराकी अधिकारीहरु, अरु राजनीतिक नेताहरु तथा धार्मिक नेताहरुसँग भेटघाट गर्ने छन्।

इराकी राष्ट्रपति बरहाम सलिहको निमन्त्रणामा इरानी राष्ट्रपति रौहानी बगदाद पुगेका हुन् । उनिहरुबीच द्विपक्षीय सम्बन्ध र सहयोगका बारेमा छलफल हुने बताइएको छ ।

इरानी विदेश मन्त्री मोहम्मद जावद जारिफ पनि रौहानीको भ्रमणका बारेमा छलफल गर्न आइतबार नै बगदाद पुगेका थिए ।

इरानी तेल उद्योग, बैंकिङ र यातायात क्षेत्रमाथि कडा अमेरिकी प्रतिबन्धहरु लागू भइरहेका बखत राष्ट्रपति रौहानीले इराकको भ्रमण गरेका हुन् ।

इरान र इराकबीच विगतमा दशौं वर्षसम्म भिषण युद्ध भएको थियो ।