कैलाली । विप्लव नेतृत्वको नेकपाका कार्यकर्ताहरुले जन्ती बोकेको गाडीमा आगजनी गरेका छन् । पूर्वबाट पश्चिमतर्फ आइरहेको म १ ख ४४१ नम्बरको गाडीमा कैलालीको मसुरियामा आगजनी भएको कैलालीका प्रहरी उपरीक्षक आभूषण तिम्सिनाले बताएका छन् ।
आगजनीबाट बस पूर्ण रूपमा क्षति भएको छ । घोडाघोडी नगरपालिकाको साडेपानीका पनि विप्लव समूहले ट्रकमाथि तोडफोड गरेका छन् । हेटौँडाबाट धनगढीको लागि छुटेको ना ७ ख ५४० नम्बरको माल बाहक ट्रक माथि राति ३ बजे तोडफोड गरेका छन् ।
कैलालीका प्रहरी उपरीक्षक आभूषण तिम्सिनाका अनुसार हालसम्म तोडफोड र आगजनीमा संगलग्न रहेको आरोपमा तीनजनालाई नियन्त्रणमा लिईएको छ ।
