मोरङ । पूर्व पश्चिम राजमार्गअन्तर्गत मोरङको बेलबारी नगरपालिका १० चिसाङ खोलाको पुलमा बम भेटिएको छ। बम भेटिएपछि राजमार्ग बन्द छ।
राजमार्गको बीच भागमा प्रेसर कुकर राखिएको छ। डेढ घण्टादेखि प्रहरीले राजमार्ग बन्द गरेको छ भने पैदलयात्रुलाई पनि हिँडडुल गर्नमा रोक लगाएको छ।
अहिलेसम्म बम डिस्पोजल टोली आइपुगेको छैन। कुकरको माथिल्लो भागमा रातो टेप लगाइएको छ भने कुकरबाट करिब २० मिटर लामो बिजुलीको तार जंगलतिर लगिएको छ।
