काठमाडौं । नेटफ्लिक्समा बहुप्रतिक्षित क्राइम–थ्रिलर सिरिज 'मनि हाइस्ट सिजन ५' को दोस्रो भाग आज सार्वजनिक भएको छ ।
मनी हाइस्ट सिरिजको पाँचौ सिजनलाई दुई भागमा बाँडिएको छ । जसमध्ये पहिलो भाग भदौं १८ गते सार्वजनिक भएको थियो भने दोस्रो भाग आज सार्वजनिक भएको हो । नेपाली समयानुसार दिउँसो १ः४५ बजे यो सिरिज नेटफ्लिक्समा विश्वभर स्ट्रिमिङ भएको छ ।
पाँचौ सिजनमा जम्मा १० ओटा एपिसोड रहेका छन् । पहिलो भोलुम अन्तर्गत पाँच ओटा एपिसोड रहेका छन् भने दोस्रो भोलुममा पनि पनि पाँचवटै एपिसोडहरू रहेका छन् ।
बैंक लुटेराको कथामा बनेको यस सिरिज पहिला एन्टेना ३ च्यानलबाट स्पेनमा मात्रै प्रदर्शन भए पनि नेटफ्लिक्सबाट प्रदर्शन भएपछि संसारभरिका दर्शकको प्रिय सिरिज बन्न सफल रहेको छ ।
मूल स्पेनिस भाषाको यो सिरिज अंग्रेजी भाषामा डबिङ भएर आएपछि यो प्रख्यात हुन पुग्यो जसकारण मेकर र निर्माताले यसलाई बढाएर पाँचौँ सिजनसम्म पुर्याए ।
प्रत्येक शृंखलामा सस्पेन्स, एक्सन, प्रेम, घृणा र भावना रहेको यो सिरिज मनोरञ्जनको फुल डोज रहेको छ ।
