उदयपुर । उदयपुरको झण्डै डेढ सय हेक्टर चुरे वन क्षेत्रमा लागेको डढेलो नियन्त्रण बाहिर गएको छ सुख्खा मौसमसँगै चुरे क्षेत्रका वनमा आगोलागीको समस्या बढ्ने गरेको छ ।
समथर क्षेत्रमा रहेको सामुदायिक वनमा त्यहाँ रहेका उपभोक्ता समूहले डढेलो नियन्त्रणमा चासो नदिंदा बर्षोनी डढेलो लाग्ने गरेको छ । डढेलोले चुरे क्षेत्रका केही बस्तीलाई नौ जोखिममा पारेको छ भने हजारौं हेक्टर जंगलको काठपातका साथै बन्यजन्तु समेत नष्ट गरेको छ । हिँउदको समयमा कतिपय स्थानमा स्थानीयले नै घास पलाउने र काठपात सहजै उपलब्ध हुने भन्दै आगो लगाउदै आएका छन् ।
अअहिले लगिरहेको डढेलो वन कर्मचारी र स्थानीय तहका दमकल प्रयोग गरेर नियन्त्रण प्रयास गरिरहेका छन् ।
डढेलोबाट बचाउन वन कर्मचारी, मातहतका कार्यालय र सामुदायिक वन समूहहरुलाई सचेत गराइएको डिभिजन वन कार्यालयहरुले जनाएका छन् । गतवर्ष उदयपुरको करिब ७ हजार हेक्टर क्षेत्रफलमा डढेलो लागेको थियो ।
