काठमाडौं । सामान्यतया वैशाख दोस्रो सातादेखि डढेलोका घटना बढ्ने गरेकामा यसपालि यसले चैतमै प्रकोपको रुप लिएको छ। बस्तीछेउ, निकुन्जरआरक्षका जंगलमा धेरै डढेलो देखिएको छ।
मुलुकमा चैतदेखि जेठसम्म बढी डढेलो लाग्छ। दक्षिण एसियाली डढेलो नियन्त्रण समाजका अध्यक्ष सुन्दरप्रसाद शर्माले शुक्रबार बेलुकी ५ बजेदेखि शनिबार बेलुकी ५ बजेसम्म देशभरि एक हजार ८७० ठाउँमा डढेलो लागको जानकारी दिए। धेरै डढेलो चुरे क्षेत्रमा देखिएको छ।
अमेरिकी वैज्ञानिक संस्था नासाको ‘मोडिस’ भू–उपग्रहले ५४ जिल्लाका डढेलो तस्बिर कैद गरेको हो। ‘मोडिस’का अनुसार सबभन्दा बढी डढेलो उदयपुर, पर्सा, सिन्धुली, धनुषा, बारा, रौतहट, चितवन, नवलपरासी र सर्लाहीमादेखिएको समाचार कान्तिपुर दैनिकमा छ।
