धनुषा । कुटपिट गरेको आरोपमा वडा अध्यक्षका छोरा र भतिज नै पक्राउ परेका छन् । पक्राउ पर्नेमा जनकपुरधाम उपमहानगरपालिका वडा नम्बर १३ का अध्यक्ष शुभनारायण मण्डलका छोरा रोशन र भतिजा विक्की रहेका छन् । उनिहरुलाई पक्राउ गर्न जादाँ प्रहरीको टोलीलाई वडा अध्यक्ष मण्डलका आफन्त र स्थानीयले अवरोध गरेका थिए ।
उनीहरुविरुद्ध सोही वडाका जितनारायण र नगिना राउतलाई केहि दिन अगाडि कुटपिट गरेको उजुरी प्रहरीमा परेको थियो ।
जिल्ला प्रहरी कार्यालय धनुषाबाट गएको टोलीले शनिबार साँझ वडा अध्यक्ष मण्डलको घर खानतलासी गरी दुवैलाई पक्राउ गरिएको हो ।
