पर्वत । पर्वतको फलेवास नगरपालिका–२ थापाठानाकी एक महिला महीना दिनदेखि चार वर्षीया छोरीसहित बेपत्ता भएका छन् । गत फागुन २ गते काठमाडौँबाट चार वर्षीया छोरी सुप्रियालाई लिएर पर्वतका लागि हिँडेकी २४ वर्षीया शर्मिला थापा ३६ दिनसम्म बेखबर बनेका हुन् ।
उनि घरमा बस्न नसकेको भन्दै १८ महीना माइत बसेकी र घरका सदस्य लिन आएपछि गत माघमा घरमा गएकी परिवारले बताएको छ । तर उनि एक्कासी काठमाडौँबाट घरमा जान भनी हिडेकी र हालसम्म परिवार तथा माइती पक्षको सम्पर्कमा नआएको पविारले बताएको छ । पर्वत प्रहरीलगायत घर र माइती पक्षले उनिहरुको खोजी कार्य गरे पनि आजसम्म कुनै पत्तो लाग्न सकेको छैन ।
शर्मिलाको निमावि विद्यालयमा कक्षा ७ मा पढ्दै गर्दा १६ वर्षकै उमेरमा प्रकाश थापाले विद्यालयबाटै भगाएर विवाह गरेका थिए ।
श्रीमान्ले भने श्रीमती माइत र घरमा जान्छु भनेपछि आफूले काठमाडौँबाट पर्वतको बसमा चढाएको तर कहाँ गइन् भन्नेबारेमा आफू पनि अन्योल रहेको बताए ।
