हुम्ला । जबर्जस्ती यौनदुव्र्यवहार गरेको आरोपमा एक युवकलाई प्रहरीले पक्राउ गरेको छ । पक्राउ पर्नेमा हुम्लाको सर्केगाड गाउँपालिका– १ का २७ वर्षीय सुवास रावत पक्राउ रहेका छन् ।
रावतले असार ३ गते एक जना युवतीलाई जबर्जस्ती यौनदुव्र्यवहार गरेको आरोपमा समातिएको हो । काठमाडौँमा आफूलाई जबर्जस्ती गरेको भन्दै महानगरीय प्रहरी कार्यालयमा चैत ४ गते दिएको उजुरीका आधारमा प्रहरीले रावतलाई पक्राउ गरेको जिल्ला प्रहरी कार्यालय हुम्लाका प्रहरी नायब उपरीक्षक रामप्रसाद घर्तीमगरले बताए ।
पीडित युवतीले काठमाडौँस्थित महानगरीय प्रहरी परिसरमा दिएको उजुरीका आधारमा त्यहाँस्थित प्रहरीले पक्राउ गरेर छानविनका लागि जिल्लामै पठाएको प्रहरी नायब उपरीक्षक घर्तीमगरले बताए ।
यौनदुव्र्यवहार गर्ने युवक र पीडित युवती दुवैको घर हुम्ला सर्केगाड गाउँपालिकामा रहेको छ । दुबै जना अध्ययनका सिलसिलामा काठमाडौँमा बस्दै आएको बताइएको छ ।
