काठमाडौँ । प्रधानमन्त्री केपी शर्मा ओलीले गृहनगर दमकको दुई दिने भ्रमण र्ने भएका छन् ।यसै क्रममा ओलीले आइतबार देखि सोमबारसम्म दमकमा हुने कार्यक्रममा पनि सहभागी हुनेछन् । गृहनगरको दुई दिने बसाईमा प्रधानमन्त्री ओली उद्घाटन कार्यक्रममै व्यस्त रहनेछन्।
ओलीले मंगलबारेमा रहेको मदनभण्डारी स्मृति प्रतिष्ठानको रजतजयन्ती शुभारम्भको उद्घाटन गर्ने छन् भने प्रतिष्ठानको हाताभित्र रहेको मदनभण्डारी पार्क तथा इन्जिनियरिङ कलेजको उद्घाटन गर्ने कार्यतालिका रहेको .स्रोतले बताएको छ ।
त्यस्तै, उर्लाबारीको कार्यक्रममा सहभागी भएपछि दमक नगरपालिकाको प्रशासनिक भवनको अपरान्ह ३ बजे समुद्घाटन गर्ने कार्यतालिका रहेको छ।
भवनको उद्घाटन पछि १ नम्बर प्रदेश स्तरीय त्रिदिवसीय वृहद वाङ्मय सङ्गोष्ठीको पनि उद्घाटन गर्ने प्रधानमन्त्री स्वकीय सचिवालय अन्र्तगत विकास तथा जनसम्पर्क अधिकारी होम थापाले जानकारी दिए।
त्यस्तै प्रधानमन्त्री ओलीले सोमबार पशुपंक्षी हाट बजारको उद्घाटन गर्ने बताइएको छ।
