पोखरा । पृथ्वीनारायण क्याम्पस (पिएन क्याम्पस) कास्कीका नेत्रविक्रम चन्द ‘विप्लव’ नेतृत्वको नेकपा समूह निकट २ विद्यार्थी पक्राउ परेका छन् ।
क्याम्पसमा सोमबार सरकारले गरेको प्रतिबन्ध र पार्टीका नेता तथा कार्यकर्ता पक्राउको विरोध प्रदर्शन गरेपछि पक्राउ गरिएको हो ।
पक्राउ पर्नेमा क्रान्तिकारी विद्यार्थी संगठनका पिएन क्याम्पस संयोजक प्रकाश बास्तोला र विद्यार्थी नेता उज्वल पुन छन् ।
घटनाबारे थप अनुसन्धान भइरहेको प्रहरीले जनाएको छ ।
