चितवन । चितवन जिल्लामा एउटै परिवारका तीन जनाले आत्महत्या गरेका छन् । आमा, छोरा र छोरीले आत्महत्या गरेका हुन् ।
प्रहरीका अनुसार भरतपुर महानगरपालिका–१८ स्थित शशीनगरकी अन्दाजी ३४ वर्षीया माया आलेमगर, १४ वर्षीया छोरी विनिता र १२ वर्षीय छोरा विवेक झुण्डिएर आत्महत्या गरेका हुन् । उनीहरुको शवलाई पोष्टमार्टमका लागि भरतपुर अस्पताल ल्याउने तयारी गरिएको छ ।
मृतक मायाका श्रीमान् नरबहादुर आलेमगर नेपाली आर्मीमा कार्यरत रहेका छन् । आमाले नै छोराछोरीलाई झुण्डाएर आफूले पनि झुण्डिएर आत्महत्या गरेको हुन सक्ने आशंका गरिएको छ ।
