सिन्धुली । विपद् व्यवस्थापन समिति सिन्धुलीले तराईका हावाहुरी पीडितलाई राहातस्वरुप १० लाख दिइने भएको छ । समितिले बारा र पर्साका हावाहुरी पीडितको पुनःस्थापनाका लागि सो सहयोग गर्ने भएको हो ।
जिल्ला विपद् व्यवस्थापन समितिका संयोजक तथा प्रमुख जिल्ला अधिकारी ज्ञानप्रसाद ढकालको अध्यक्षतामा बिहीबार बसेको बैठकले यस्तो निर्णय गरेको हो ।
निर्णय अनुसार कमलामाई नगरपालिकाबाट रु एक लाख ५० हजार, दूधौली नगरपालिकाबाट रु एक लाख ५० हजार र यहाँका अरु सात गाउँपालिकाबाट रु एक एक लाखका दरले रु सात लाख गरी रु १० लाख सहयोग गर्ने निर्णय भएको छ ।
