काठमाडौं । नेपाली कांग्रेस केन्द्रीय कार्यसमितिको बैठक आज (शनिबार) पार्टी केन्द्रीय कार्यालय सानेपामा बस्दैछ।
केन्द्रीय कार्यसम्पादन समिति गठन गर्ने तयारीका अनुसार बैठक शनिबार दिउँसो ३ बजे बस्ने भएको हो ।
बैठकमा संसदीय बोर्ड गठन र केन्द्रीय विभागका संयोजक तोक्ने विषयमा पनि छलफल हुने जनाइएको छ ।
पार्टीभित्रै विधानविपरीत धेरै संख्या रहेको भन्दै आलोचना भएपछि यसअघिको कार्यसम्पादन समिति विघटन गरिएको थियो । नयाँ कार्यसम्पादन समिति पार्टीको विधान अनुसार गठन गरिने सम्भावना रहेको छ ।
