काठमाडौं । सञ्चार तथा सूचना प्रविधिमन्त्री गोकुल बाँस्कोटाले ‘समृद्ध नेपाल, सुखी नेपाली’ बनाउने सरकारको लक्ष्य पूरा गर्न सूचना प्रविधि क्षेत्रले महत्वपूर्ण भूमिका निर्वाह गर्ने बताएका छन् । पछिलो समय विश्व सूचना प्रविधिमा नसोचेको स्थितिमा पुगेको भन्दै नेपाललाई यहि स्थितिमा लैजानुपर्ने बताए ।
सूचना प्रविधिका क्षेत्रमा कार्यरत चिनियाँ कम्पनी हुआवेले काठमाण्डौमा आयोजना गरेको नेपाल मोबाइल काङ्ग्रेस–२०१९ को उद्घाटन गर्दै ‘पछिल्लो समय विश्व सूचना प्रविधिको विकास र विस्तारमा चितुवाको गतिमा अगाडि बढेको छ “मन्त्री बाँस्कोटा”ले भने , हामी पनि यही गतिमा कुद्न चाहन्छौँ, यसका लागि सरकार यस क्षेत्रमा कार्यरत लगानीकर्ता, कम्पनीसँग साथ र सहयोग लिन चाहन्छ ।’
मन्त्रालयले सूचना प्रविधिको पछिल्लो पुस्ता ‘फोर जी’ विस्तारमा उच्च प्राथमिकताका साथ काम अगाडि बढाइएको जानकारी दिँदै उनले फोर जी पछि फाइभ जी कार्यान्वयनको तयारीमा सरकार लाग्ने बताए ।
