काठमाडौं । यातायात व्यवस्था कार्यालय, बिर्तामोड, झापाका बिचौलिया सराफ शेख पक्राउ परेका छन् । शेखलाई सेवाग्राहीसँग रू १७,००० घुसबापतको रकम लिसकेको अवस्थामा पक्राउ गरिएको हो ।
अख्तियार दुरुपयोग अनुसन्धान आयोगको कार्यालय, इटहरीबाट गएको टोलीले सवारी चालक अनुमतिपत्र ३ चक्के अटो रिक्सा को लागि लिइने प्रयोगात्मक परीक्षा उत्तीर्ण हुनको लागि परीक्षा स्थलमा खटिने कर्मचारीलाई घुस दिनु पर्छ भन्दै घुस मागेको आधारमा पक्राउ गरेको हो ।
शेखलाई बिर्तामोड नगरपालिका वडा नं.१ स्थित परिचय मार्गबाट नियन्त्रणमा लिईएको आयोगका प्रवक्ता प्रदीपकुमार कोइराला बताए ।
