मुम्बईः मुम्बइ इन्डियन्सका किराेन पाेलार्डकाे धुँवाधार ब्याटिङकाे मद्दतले मुम्बइले किंग्स इलाभेन पन्जाबलाइ ३ विकेटले पराजित गरेकाे छ ।
भारतमा जारी आइपिएल २०१९ अन्तर्गत बुधबार रातिको राेमान्चक खेलमा कप्तानी पारी खेल्दै पाेलार्डले ३१ बलमा ८३ रन बनाएका थिए । उनले १० छक्का र ३ चाैका प्रहार गरेका थिए । तर जितका लागि ४ रन बाँकी रहँदा पाेलार्ड अाउट भएका थिए ।
अन्त्यमा १ बलमा २ रन बनाउनुपर्ने अवस्था सिर्जना भएकाे थियाे । तर अन्तिमका ब्याट्सम्यानले दाैडेर उक्त रन बनाएका थिए ।
यसअघि किंग्स इलाभेन पन्जाबले टस हारेर पहिले ब्याटिङको निम्तो पाएको पन्जाबले ४ विकेट गुमाएर १९७ रन बनाएको थियाे ।
पन्जाबका लागि प्रारम्भिक ब्याट्सम्यान के एल राहुलले अविजित १०० रन बनाएका थिए । अर्का प्रारम्भिक ब्याट्सम्यान क्रिस गेलले पनि ३६ बलमा ६३ रन बनाए । गेलले ७ छक्का र ३ चौका प्रहार गरेका थिए ।
राहुलले भने ६ छक्का र ६ चौका प्रहार गरेका थिए । राहुलले यस सिरिजमा पहिलो सतक बनाउने क्रममा ६४ बलको सामना गरेका थिए ।
नियमित कप्तान रोहित शर्मा चाेटका कारण मैदानमा थिएनन् । उनकाे बदलामा किराेन पाेलार्डले टिमकाे कप्तानी गरेका थिए ।
लगातार तीन खेल जितेकाे मुम्बइ ८ अंकका साथ तेस्राे स्थानमा उक्लेकाे छ ।
अंक तालिकाः
१. सीएसके (१० अंक)
२. केकेअार (८ अंक)
३. मुम्बइ (८ अंक)
४. पन्जाब (८ अंक)
५. सनराइजर्स (६ अंक)
६. दिल्ली क्यापिटल्स (६ अंक)
७. राजस्थान राेयल्स (२ अंक)
८. अारसीबी (० अंक)
बिहीबारकाे खेलः
सीएसके विरूद्ध राजस्थान राेयल्स (जयपुर, समयः साँझ ८ बजे)
