लाहान । सामान्य भनाभन तथा बादविवादमा चिर्पट प्रहार गरी छिमेकीको हत्या गरेको आरोपमा एक जनालाई पक्राउ गरिएको छ । पक्राउ पर्नेमा सिरहाको गोलबजार नगरपालिका–११ बल्कवाका २० वर्षीय गोविन्द सदा रहेको प्रहरीले जनाएको छ ।
घटना अनुसन्धानबाट सदाले छिमेकी ५० वर्षीय राम अवतार सदाको टाउकोमा चिर्पट प्रहार गरि घाइते पारेको पाइएपछि पक्राउ गरिएको जिल्ला प्रहरी कार्यालय सिरहाका प्रवक्ता तथा प्रहरी नायव उपरीक्षक माधवराज खरेलले जानकारी दिए ।
पक्राउ परेका सदालाई इलाका प्रहरी कार्यालय गोलबजारमा राखिएको छ । सदामाथि मुलुकी अपराध (संहिता) ऐन, २०७४ को परिच्छेद १२ को ज्यानसम्बन्धी कसुरअन्तर्गत मुद्दा चलाउने तयारी गरिएको प्रहरी नायब उपरीक्षक खरेलले बताए ।
