काठमाडौं । प्रधानमन्त्री केपी ओलीले ‘समृद्ध नेपाल सुखी नेपाली’ बनाउने संकल्प गरेका एक वर्ष पूरा भएको छ ।
नयाँ वर्ष २०७५ सालको शुरुवातसँगै रारा तालबाट देशवासीका नाममा सम्बोधन गर्दै प्रधानमन्त्री ओलीले देशलाई समृद्ध र जनतालाई सुखी बनाउने सपना बाडेका थिए ।
प्रधानमन्त्री केपी ओलीले वर्ष २०७५ भरि नै यस्ता मीठामीठा सपना देखिरहे–बाँडिरहे । तर एक वर्षअघि भित्तामा झुन्ड्याएको पात्रो नयाँ वर्ष २०७६ को आगमनसँगै फेरियो, जनताको जीवनस्तर भने केही परिवर्तन आएको छैन् । यी यस्तै सरकारको एक वर्ष समीक्षा गर्दै नागरिक दैनिकले समाचार छापेको छ ।
