काठमाडौं । नेपाल एएफसी यू–१६ च्याम्पियनसिप छनोटमा समूह ए मा परेको छ ।
जोर्डनमा आयोजना हुने प्रतियोगिता नेपाल कठिन समूहमा परेको छ । नेपाल रहेको समूहमा ताजिकिस्तान, जोर्डन, श्रीलंका र कुवेत रहेका छन् ।
प्रतियोगितामा एएफसीका ४७ राष्ट्रहरू सहभागी छन् । उनिहरुलाई पश्चिम, दक्षिण र मध्य भागमा विभाजन गरिएको छ । छनोटको शीर्ष टिमले प्रतियोगितामा स्थान बनाउनेछ ।
चार उत्कृष्ट उपविजेताले समेत फाइनल चरणमा स्थान बनाउनेछन् । नेपालको समूहमा रहेका श्रीलंका बाहेक हरेक टिम नेपालभन्दा बलिया र फिफा वरीयतामा पनि उच्च स्थानमा छन् ।
