फाइल फोटो
तनहुँ । प्रहरीले आफ्नै ११ महीने छोरीको आगो लगाएर हत्या गरेको आरोपमा एक दम्पतिलाई पक्राउ गरेको छ । पक्राउ पर्नेमा व्यास गाउँपालिका वडा नं ५ चुकपानीका बाइस वर्षीय नवीन विष्ट र उनकी पत्नी शीला विष्ट रहेका छन् ।
प्रहरी निरीक्षक हिक्मत बोहराका अनुसार उनिहरुले छोरी अनुस्काको बिहीबार राति घर नजिकै रहेको लुठ्ठा (खर)मा लगेर आगो लगाई हत्या गरेका हुन् ।
उनीहरुलाई शुक्रबार बिहान घरबाटै पक्राउ गरी सदरमुकाम ल्याइँदैछ । राति छोरीको हत्यापछि भाग्न लागेका दुवै जनालाई स्थानीयवासीको सहयोगमा राति नियन्त्रणमा लिइएको वडा नं ५ का अध्यक्ष मङ्गलसिंह धाँमीले जानकारी दिए । हत्या गर्नाको कारण खुलाइएको छैन ।
